معلومات هامة عن لقاحات فيروس كورونا و آلية عملها
مقدمة
بنكمل كلامنا عن الـ Vaccines الخاصة بـ COVID-19 و كنا اتكلمنا في البوست اللي فات عن أهمية و دور الـ S protein و قلنا إن كل الـ Vaccines اللي أعلن عنها عنها باختلاف الشركات كلها بتستهدف تحفيز جهاز المناعة علي إنتاج antibodies ضد الـ S protein الخاص بـ COVID-19 بس بـ Mechanisms مختلفة.
بنصحك ترجع للـ post اللي فات علشان تقدر تفهم أهمية الـ S protein هنا.
Pfizer/BioNTech and Moderna Vaccine
نيجي نشوف أول Mechanism معانا و هو الخاص بشركة Pfizer-BioNTech و Moderna و اللي بيستخدموا فيه الـ mRNA technology.
mRNA Vaccine structure
الـ Vaccine عبارة عن synthetic mRNA مغلف بـ Lipid Nano particles بتتكون من phospholipid bilayer.
 |
| synthetic mRNA |
لحد كده كويس بس السؤال المهم هو ازاي الـ Vaccines دي بتقدر تحفز جهاز المناعة ؟!
MHC I and MHC II
هقولك بس قبل م نبدأ خليك فاكر الطبيعي إن الخلايا بيحصل فيها تصنيع للبروتينات اللي بتساعدها علي أداء وظايفها بس خلي بالك إن كمان ممكن يحصل تصنيع لبروتينات غريبة عن الجسم لأسباب عديدة زي في حالات الـ infection.
علشان كده لازم يحصل presentation للبروتينات دي لجهاز المناعة علشان يتعرف عليها إذا كانت طبيعية و لا غريبة عن الجسم و هنا ييجي دور two molecules مهمين جداا هما الـ MHC I و الـ MHC II و دول موجودين علي سطح الخلية وظيفتهم انهم يعملوا complex مع البروتينات اللي بتتصنع داخل الخلية و يقدموها علي سطح الخلية لجهاز المناعة و تحديداً لـ T cells و لو البروتينات دي طبيعية يبقي تمام مفيش مشكلة إنما لو البروتينات دي غريبة هيحصل activation لجهاز المناعة و هنعرف ازاي ده بيحصل.
 |
| MHC I and MHC II |
لما الـ Vaccine يتحقن و يدخل الـ Host cells بيحصل release لـ الـ mRNA في الخلية و يحصل ليه translation عن طريق الـ ribosomes الموجودة في الـ cytoplasm و يبدأ تصنيع الـ spike protein و بعدين الـ S protein ده بيحصله expression علي سطح الخلية و تحديداً علي الـ MHC I و الـ MHC II و يتكون complex لحد كده كويس.
 |
| Vaccine inside the host cell using Ribosome to make S protein by translation |
نيجي بقي نشوف ازاي جهاز المناعة بيتعامل مع الـ complex ده :-
MHC II + S Protein complex
نبدأ الأول بـ الـ MHC II بس في الأول خلي بالك إن علي سطح الـ helper T cells فيه two proteins اسمهم TCR و CD4 و علي سطح الخلية المصابة عندنا complex بيتكون من جزئين هما الـ S protein و MHC II.
و لأن الـ S protein ده بروتين غريب عن الجسم ف الـ complex اللي تكون ده هيعمل attraction لـ helper T cells و هنا هيحصل interaction بين الـ TH cells و الـ complex و ده بيحصل عن طريق إن الـ TCR بيـ bind مع الـ S protein و عن طريق الـ CD4 اللي بيـ bind مع الـ MHC II
 |
| MHC II + S Protein complex |
Helper T Cells Activation
و نتيجة الـ interaction ده هيحصل activation لـ TH cells و تعمل release لـ cytokines زي الـ Interleukin 2 و Interleukin 4 و Interleukin 5 و دوول هيعملوا حاجتين مهمين جداا
Plasma Cells Formation
الأول بيحفزوا الـ B cells إنها تعمل proliferation و يزيد عددها و كمان تعمل differentiation و تتحول لـ plasma cells و الـ plasma cells دي هي اللي بتصنع الـ antibodies اللي هتشتغل علي الـ S protein و بالتالي تعمل Neutralization و Enhancement لـ Viral Destruction.
 |
| B cell differentiation |
Memory T Cells Formation
كمان الـ cytokines اللي حصل ليها release من الـ TH cells هتعمل stimulation لـ الـ T cells نفسها علشان تعمل proliferation و تتحول لـ memory T cells و بكده هيبقي الـ response ضد الـ virus سريع لما يحصل infection.
MHC I + S Protein complex
نكمل الجزء التاني و هو الـ MHC I و هنا كمان عندنا علي سطح الـ cytotoxic T cells فيه two proteins هما الـ TCR و الـ CD8 و من خلالهم الـ TC cells بتعمل interaction مع الـ complex و ده بيحصل عن طريق الـ TCR اللي بيـ bind مع الـ S protein و عن طريق الـ CD8 اللي بيـ bind مع الـ MHC I
 |
| MHC I + S Protein complex |
Cytotoxic T Cells ِActivation
و يحصل activation لـ TC cells و تعمل release لـ cytotoxins زي perforin و granzymes و granulysin و دوول بيشتغلوا علي الخلية المصابة و يحفزوا عملية الـ apoptosis يعني موت الخلية و بالتالي يمنعوا إنتاج المزيد من الفيروسات و انتشارها من الخلية المصابة للخلايا المجاورة, و كمان ليها دور في تحفيز الـ differentiation لـ B cells علشان تتحول لـ plasma cells بس خلي بالك إن الخطوة دي مش بتحصل مع الـ Vaccine و لكن بتحصل مع الـ Virus بس.
 |
| Cytotoxic T Cells Activation |
و دي صورة بتوضح الـ Mechanism بالكامل
 |
| mRNA Vaccine mechanism of action |
0 تعليقات