معلومات هامة عن الـ Digoxin

هنتكلم شوية عن Digoxin  دواء مشهور جدا و بيتوصف كتير من دكاترة امراض القلب غالباً لمرضي فشل عضلة القلب (Heart Failure).  بس خلي بالك بقي Digoxin  مش الغرض منه هنا أنه بيحسن Contraction  يعني بيحسن أداء عضلة القلب,  لأ  !! Digoxin  قيمته الحقيقية هو أنه الدواء الوحيد في العالم اللي بيعمل  AV block  و positive Inotrope يعني ايه ؟!

 ركز معايا أغلب مرضي فشل عضلة القلب بيبقي عندهم Atrial Fibrillation يعني رجفان أذيني.  يعني عدد ضربات الأذين ممكن يوصل ل 400 ضربه في الدقيقة بالنسبة للأذين الرقم ده مش مميت بس الخوف بقي أنه ينزل لـ Ventricle في الحالة دي هندخل في مشكله خطيره جدااا  اسمها Ventricular Tachycardia أو  V-Tach و دي حالة طوارئ و مميتة.

 علشان كداا بنحاول نتجنبها ب أننا نعمل حاجز بين الأذين و البطين يعني نعمل AV block علشان نحمي ال Ventricle يعني لو عدد ضربات Atrium بيوصل ل 400 نخليها تنزل ل Ventricle  تبقي في حدود 100.

 و علشان نعمل كده محتاجين دواء بيعمل AV block.  أدويه كتير بتعمل كده بس كلها negative Inotrope زي B-blockers  و Ca-chanel blockers يعني بتقلل شغل القلب و احنا أصلا بنتعامل  مع مريض HF.

 الدواء الوحيد في العالم اللي مش بيعمل كده هو Digoxin  لأنه بيعمل ال AV block اللي انا عايزها و كمان positive Inotrope يعني بيحسن شغل عضلة القلب علشان كده هو drug of choice في بعض حالات AF و هي دي قيمته الحقيقة في العلاج.