معلومات هامة عن الهيبارين...
أكيد كلنا عارفين أهمية الـ Anti-coagulant و مدي استخدامها و لما بنقول Anti-coagulant أول حاجة بتيجي في بالنا الـ Heparin علشان كده فيه معلومة مهمة لازم تبقي عارفها عن الـ Heparin, خلي بالك إن الـ Heparin مش بيتدخل directly في عملية تكوين الجلطات ويمنع تكوينها و لكن بيتدخل بطريقة indirect, يعني ايه ؟! هقولك بس الأول خلينا نفهم كويس ازاي الـ Heparin بيشتغل.
Heparin Mechanism of action
خلي بالك إن فيه في الدم بروتين اسمه Anti-thrombin 3 و إختصاره ATIII بيتصنع في الـ Liver البروتين ده مهم جدا في عملية سيولة الدم و عدم تكوين جلطات عن طريق انه بيعمل Inactivation لعوامل التجلط النشطة factor IIa و factor Xa و بالتالي هيمنع تكون الجلطة بس خلي بالك بقي إن عملية الـ Inactivation اللي بيعملها الـ ATIII لعوامل التجلط اللي ذكرناها فيها مشكلة و هي إنها بتبقي slow rate و هنا ييجي دور و أهمية الـ Heparin اللي بيـ Bind مع الـ ATIII و يعمل acceleration لـ inactivation اللي بيعملها الـ ATIII لعوامل التجلط 2 و 10 النشطة يعني بيسرع شغل الـ ATIII و يخليه فوري و خليني أقولك انه بيسرع شغله تقريبا ألف مره.. WOW !!
 |
لحد كده تمام أووي ايه بقي المشكلة ؟! هقولك, من خلال الـ mechanism اللي فهمناه إن الـ Heparin علشان يشتغل كـ Anti-coagulant بيعتمد علي وجود الـ ATIII في الدم علشان كده لو حصل و قل مستوي الـ ATIII في الدم هنا شغل الـ Heparin هيتأثر و يقل.
The Relation between Heparin and Renal Diseases
خلي بالك بقي من مرض مهم في الـ Kidney كنا اتكلمنا عنه اسمه Nephrotic syndrome و هنلخص مشكلته هنا في كلمة واحدة و هي proteinuria يعني باختصار الكلي بتسرب بروتينات الدم أشهرهم هو الـ albumin بس خلي بالك إن كمان الـ ATIII بيحصل ليه تسريب و ينزل في الـ urine يقل في الدم و بالتالي يقل شغل الـ Heparin في الحالة دي و من هنا تفهم علاقة الـ Heparin بـ أمراض الكلي و أهمية الـ ATIII علشان كده وجب التنبيه.
0 تعليقات