معلومات مهمة عن الـ Warfarin لازم تبقي عارفها....
Warfarin causes Hypercoagulable state
تعرف إن الـ Warfarin اللي بنستخدمه كـ Anti-coagulant ممكن يعمل Hypercoagulable state يعني زيادة فرصة تكوين جلطات,, ازاي ؟!! عشان تفهم ازاي ده بيحصل هنرجع تاني نفهم الـ mechanism اللي بيشتغل بيه الـ Warfarin
Warfarin Mechanism of action
كلنا عارفين إن الـ Warfarin بيعمل inhibition لـ Vit K cycle و الـ cycle دي بتحصل في الـ Liver و ضرورية وبينتج عنها تحويل عوامل التجلط II و VII و IX و X من الـ nonfunctional stat لـ functional state يعني باختصار الـ Vit K مهم علشان نخلي عوامل التجلط 2 و 7 و 9 و 10 تبقي طبيعية و تقدر تقوم بشغلها لما يحصل ليها activation.
و لما الـ Warfarin يعمل inhibition لـ Vit K cycle هنا مش هتتحول عوامل التجلط اللي ذكرناها و تبقي functioning و بالتالي تزيد سيولة الدم لحد كده تمام و كويس و مفهوم.
 |
| Warfarin mechanism of action |
How can Warfarin cause Hypercoagulable state
نرجع بقي للنقطة اللي لازم تاخد بالك منها و هي إن الـ Vit K cycle مش بس ضرورية لعوامل التجلط 2 و 7 و 9 و 10 لأ دي كمان مهمه لتكوين Protein C و Protein S و دوول natural anti-coagulants يعني بيساعدوا في سيولة الدم و عدم تكوين الجلطات عن طريق انهم بيعملوا inactivation لـ Factor Va و Factor VIIIa و ده بيمنع تكوين الجلطات, يعني نفهم من كده إن الـ Warfarin بيوقف الـ Vit K cycle و بالتالي هيمنع عوامل التجلط 2 و 7 و 9 و 10 اللي بيدخلوا في عملية تكوين الجلطات و كمان بروتين C و S اللي بيعملوا سيولة في الدم.
بس خلي بالك معايا من المعلومة دي و هي إن Protein C عنده short half-life و بيحصل ليه depletion بسرعة عشان كده هو أول بروتين بيتأثر بـ الـ Warfarin و بيحصل Hypercoagulability في بداية الاستخدام بتستمر تقريبا لمدة يومين لحد م التأثير علي عوامل التجلط 2 و 7 و 9 و 10 يظهر و يـ cover الـ Hypercoagulability نتيجة نقص Protein C و ده سبب ضرورة استخدام الـ Heparin مع الـ Warfarin في الـ loading dose.
0 تعليقات