مقدمة
أكيد كلنا عارفين أهمية القلب و دوره الحيوي في ضخ الدم الجسم, و أكيد كلنا درسنا أغلب الأمراض اللي ممكن تسبب مشاكل في القلب زي أمراض الشرايين التاجية و أمراض الصمامات أو الأمراض المتعلقة بـ اضطراب نظم القلب أو حتي فشل عضلة القلب.
Supraventricular Tachycardia
بس خلينا نركز علي الـ Arrhythmia و تحديداً الـ supraventricular tachycardia و اللي هي باختصار عبارة عن زيادة في الـ Heart Rate منشأها الـ upper part of the heart يعني مش المشكلة في الـ ventricle نفسه خلي بالك إن الـ Heart Rate هنا ممكن يوصل لـ 250 ضربة في الدقيقة.
 |
| Supraventricular Tachycardia |
و بالنسبة لأسبابها فهي متعددة و هنشرحها في مقالات قادمة إن شاء الله بس موضوعنا هنا عن الـ treatment و طبعاً فيه أدوية كتير بتستخدم في علاج الـ SVT بس مش ده موضوعنا.
موضوعنا الحقيقي هنا عن technique بيستخدم في علاج الـ SVT و الـ technique مش أدوية و جرعات أو حتي أعشاب طبيعية لأ خالص و الغريب في الموضوع إنه بسيط جداً و الأغرب إننا بنستخدمه في حياتنا اليومية و ممكن كتير مننا مش واخد باله من تأثيره علي الـ Heart Rate و مدي فعاليته في علاج الـ SVT و اللي بيظهر تأثير في خلال ثواني ؟!!
الـ technique اللي احنا نقصده هنا هو الحزق أو بالعامية الحزء !! إزاي ؟
هقولك بس الأول لازم نتكلم عن الـ valsalva maneuver أو مناورة فالسالفا و دي محاولة الزفير عند إغلاق المجرى التنفسي عن طريق إغلاق الفم والضغط على الأنف لإغلاقه يعني باختصار الحزق.
Valsalva maneuver
 |
| Valsalva maneuver |
و علشان تفهم ازاي الحزق بيأثر علي ضربات القلب و بيستخدم في علاج الـ SVT لازم تبقي عارف إن المناورة بيحصل فيها 4 مراحل:-
Valsalva maneuver Phases
نبدأ بـ phase 1 و هنا لما المريض بياخد نفس عميق و يحاول يحزء فـ ده بيرفع الـ intrathoracic pressure و ده بيعمل compression علي الـ aorta و الـ Heart chambers و نتيجة الـ compression ده بيحصل إرتفاع في ضغط الدم. و الضغط لما بيرتفع بيحصل ليه detection عن طريق sensor موجود في الـ carotid artery اسمه baroreceptor و نتيجة ده بيحصل stimulation لـ الـ parasympathetic اللي بيشتغل فوراً علي الـ Heart و يقلل الـ Heart Rate و المرحلة دي بتحصل في الثواني الأولي.
بعدين phase 2 و هنا نتيجة الـ compression اللي بيحصل علي الـ Vena Cava فـ الدم المفروض إنه يدخل القلب علشان يضخه هيقل و بالتالي الـ stroke volume و الـ cardiac output هيقل و ينتج عن ده إنخفاض في ضغط الدم و هنا يرجع تاني الـ autonomic nervous system يعمل compensation و يحاول يرفع ضغط الدم عن طريق الـ vasoconstriction و زيادة الـ Heart Rate و المرحلة دي بتحصل تقريباً من أول 4 ثواني لـ 15 ثانية.
بعدين phase 3 و هنا لما المريض يرجع يتنفس عادي و يعمل expiration و يخرج الهواء بيحصل إنخفاض سريع في الـ intrathoracic pressure و يقل الـ compression علي الـ Vena Cava و يرجع الدم تاني لقلب و يرجع الـ cardiac output يعلي تاني و المرحلة دي بتحصل خلال من 20 لـ 23 ثانية من بداية المناورة.
و أخيراً phase 4 و دي بتحصل بعد 24 ثانية من بداية المناورة و هنا نتيجة إرتفاع الـ cardiac output اللي حصل نتيجة زيادة الـ Venous return و الـ strok volume و الـ vasoconstriction فـ ده بيعمل stimulation لـ autonomic nervous system إنه يقلل الـ Heart Rate و يرجع تاني يبقي Normal.
و كل ده بيحصل في خلال ثواني و من هنا تفهم أهمية و تأثير الحزق في علاج الـ SVT.
خلي بالك الـ Valsalva maneuver مش بس بتستخدم في علاج الـ SVT. لأ دي كمان بتستخدم في حالات تانية زي معادلة الضغط الخارجي الواقع علي الأذنين و الجيوب الأنفية.
0 تعليقات